به‌خشینی برِوانامه‌ی ده‌رچوون بۆخوله‌كانی (كامێراو مۆنتاژ) له‌سه‌نته‌ری جێنده‌ر

12-7-2010

به‌خشینی برِوانامه‌ی ده‌رچوون به‌سه‌ر هه‌شت فێرخوازدا، كه‌به‌شدارییان له‌خولی كامێرامانی و مۆنتاژدا كردبوو، له‌سه‌نته‌ری نیشتمانی بۆ لێكۆڵینه‌وه‌ی جێنده‌ر له‌گه‌رِه‌كی (شێخ قادری چوێسه‌)ی شاری سلێمانی، به‌مه‌به‌ستی به‌رزكردنه‌وه‌ی ئاستی فێرخوازان و فێربوونیان به‌شێوه‌یه‌كی ئه‌كادیمی و زانستی، تابتوانن كاره‌كانیان له‌م بوارانه‌دا به‌شێوه‌یه‌كی دروست و باش ئه‌نجام بده‌ن.
شایه‌نی باسه‌ ئه‌م خولانه‌ له‌لایه‌ن مامۆستای پسپۆرِ له‌و بوارانه‌دا ده‌وترایه‌وه‌ و رۆژانه‌ بۆ ماوه‌ی یه‌ك كاتژمێرو نیو، له‌رِێكه‌وتی 7/6/2010 تا 10/7/2010 به‌رده‌وام بوو، دواتر متمانه‌ی فێربوون به‌خشرایه‌ فێرخوازان.
جێی ئاماژه‌یه‌ ئه‌م خولانه‌ به‌شێوه‌یه‌كی هه‌میشه‌یی فێرخوازان وه‌رده‌گرێت و به‌رده‌وام ده‌بن له‌سه‌نته‌ری ناوبراو.