پڕفیسۆر مارف خه‌زنه‌دار كۆچیدوایی كرد

به‌داخ و په‌ژاره‌یه‌کی زۆره‌وه‌ شه‌وی رابردوو 25/26-10 رووناکبیری گه‌وره‌ی کوردستان، پڕۆفیسۆر د.مارف خه‌زنه‌دار له‌ ته‌مه‌نی هه‌شتا ساڵیدا له‌ نه‌خۆشخانه‌ی شیفا له‌ شاری هه‌ولێر کۆچی دوایی کرد.
د. خه‌زنه‌دار له‌ ته‌مه‌نی پڕ کۆششی روناکبیری خۆیدا له‌ بواری ئه‌ده‌ب و رووناکبیریدا نزیکه‌ی شه‌ست ساڵه‌ خزمه‌تی کتێبخانه‌ی کوردی و کۆڕی رۆشنبیری و ئه‌ده‌بی و نه‌ته‌وه‌ی کوردی کردووه‌ و ده‌یان کتێب و سه‌دان لێکۆڵینه‌وه‌و وتاری نوسیووه‌.
د. مارف خزنه‌دار له‌ساڵی 1930 له‌ شاری هه‌ولێر له‌ دایكبووه‌، خزمه‌تێكی زۆری بواری ئه‌ده‌ب و رۆشنبیری كوردی كردووه‌ و شه‌وی رابردوو له‌ شاری هه‌ولێر له‌ ته‌مه‌نی 80 ساڵیدا كۆچی دوایی كرد.
به‌م بۆنه‌یه‌شه‌وه‌ به‌ناوی مه‌کته‌بی راگه‌یاندنی یه‌كێتیی نیشتمانیی كوردستان و ماڵپه‌ڕه‌كه‌مانه‌وه‌، سه‌ره‌خۆشی له‌ بنه‌ماڵه‌ی مامۆستاو دۆست و هاوڕێیانی و ناوه‌ندی روناکبیریی کوردی ده‌که‌ین.

PUKmedia