شانۆیی له‌سه‌ده‌ تاریكه‌كاندا شه‌و درێژتر بوو، نمایشكرا

28-9-2010
نمایشكردنی شانۆیی له‌سه‌ده‌ تاریكه‌كاندا شه‌و درێژتر بوو، پێشكه‌شكرا، تیایدا كۆمه‌ڵێك په‌یامی تێدابوو، كه‌بۆ بینه‌ری ئاسایی ماناو و لێكدانه‌وه‌ی ئالۆزبوو، ئه‌م شانۆییه‌ له‌كۆمه‌ڵه‌ ده‌قی نوسینه‌كانی نوسه‌ر و رۆمان نوسی كورد (به‌ختیار عه‌لی) وه‌رگیرابوو، له‌لایه‌ن ده‌رهێنه‌ر (گۆران عه‌لی كه‌ریم)ه‌وه‌، كه‌ده‌رچووی په‌یمانگای هونه‌ره‌ جوانه‌كانی سلێمانی و كۆلێژی هونه‌ره‌ جوانه‌كانی به‌غداده‌، كاری ده‌رهێنه‌ری بۆ كرابوو، له‌رِۆژی یه‌ك شه‌ممه‌، به‌رواری 26/9/ 2010 له‌هۆڵی ئاماده‌یی سلێمانی كورِان نمایشكرا و تێیدا هه‌ریه‌كه‌ له‌(پێشره‌ و حسێن و كاردۆ عه‌زیز و هه‌ڵمه‌ت حه‌مه‌ سه‌عید و سه‌نا تۆفیق و شادی ئارام) نمایشی شانۆیه‌كه‌یان كردو، به‌شێوه‌یه‌كی زۆر جوان و سه‌رنجرِاكێش توانییان هه‌ستی بینه‌ر به‌لای خۆیاندا رابكێشن، هه‌روه‌ها ژماره‌یه‌كی زۆر له‌هونه‌رمه‌ندان و نوسه‌ر و رۆژنامه‌نوسانی شاری سلێمانی ئاماده‌یی بینینی ئه‌م شانۆییه‌ بوون.
برِیاره‌ تابه‌رواری 30/9/2010 نمایشكردنی (شانۆیی له‌سه‌ده‌ تاریكه‌كاندا شه‌و درێژتربوو)، به‌رده‌وام بێت، كه‌ له‌كاتژمێر (5)ی دوانیوه‌رۆ ده‌ستپێده‌كات و هاتن بۆ هه‌مووانه‌.