تێگه‌یشتن له‌منداڵ

و/ عه‌لی ئه‌كبه‌ر مه‌جیدی 12-12-2010
بۆ ئه‌وه‌ی به‌پراكتیكی پیشانیبده‌ین رێز له‌منداڵه‌كانمان ده‌گرین، بچوكترین كارێك، كه‌ده‌توانین ئه‌نجامی بده‌ین، به‌ئه‌نجام گه‌یاندنی بنه‌ڕه‌تیترین پێویستییه‌كانی ژیانیانه‌، ده‌بێت له‌به‌رامبه‌ر مه‌ترسی و نه‌خۆشییه‌ جۆراوجۆره‌كاندا بیانپارێزین و نه‌یانخه‌ینه‌ به‌ر مه‌ترسی ره‌فتاری خراپی جه‌سته‌یی و فكری، ئه‌مڕۆ له‌زۆربه‌ی خێزان و كۆمه‌ڵگه‌كاندا ئه‌و مه‌سه‌لانه‌ به‌فه‌رامۆشی سپێردراون، له‌بارودۆخێكدا كه‌گرنگی به‌منداڵ نه‌درێت و ئازارو ئه‌شكه‌نجه‌ بدرێت، یان به‌هره‌ی لێوه‌ربگیرێت، شوێنه‌واری خێزان و كۆمه‌ڵگه‌ تووشی تێكچوون ده‌بێت.
ئه‌گه‌ر له‌ناو خێزانێكدا مافی سه‌ره‌تایی منداڵان واتا خۆراك و پاراستنیان نه‌پارێزرێت، ئه‌و كاره‌ پیشانیده‌دات بنه‌مای ئه‌و خێزانه‌ به‌شێوه‌یه‌كی قه‌یراناوی له‌ناوچووه‌، هه‌نووكه‌ له‌زۆرترین وڵاته‌ رۆژئاواییه‌كاندا، منداڵان له‌به‌رامبه‌ر مادده‌ سڕكه‌ره‌كان و كاركردن له‌ته‌مه‌نی منداڵیدا پاڵپشتی یاساییان هه‌یه‌، له‌م وڵاتانه‌دا هه‌ندێك دامه‌زراوه‌ هه‌ن له‌هه‌ل ومه‌رجی خراپدا، یارمه‌تی منداڵان ده‌ده‌ن، هه‌ڵبه‌ت هێشتاش له‌كۆمه‌ڵگه‌ پێشكه‌وتووه‌كاندا ته‌نانه‌ت زۆربه‌ی منداڵان له‌بچوكترین پاڵپشت و چاودێری بێبه‌رین.
رێزگرتن له‌منداڵان به‌شێوه‌ گونجاوه‌كه‌ی به‌و واتایه‌یه‌ پێش به‌ڕه‌سمی ناسینی مافه‌كانیان، له‌پێداویستییه‌ سه‌ره‌كییه‌كانیان تێبگه‌ین، به‌واتایه‌كی تر ئه‌وان وه‌كو تاكێكی گه‌نج، به‌كه‌سایه‌تی و مه‌سه‌له‌ له‌به‌رچاو ناگرین كه‌منداڵه‌كانمان تاكێكن له‌كاتی گه‌شه‌سه‌ندندان و به‌رپرسیارێتییان له‌ئه‌ستۆی ئێمه‌دایه‌، ئێمه‌ وه‌كو باوك و دایكی منداڵان رۆڵ و لێپرسراوێتییه‌كی زۆرمان بۆ پشتگیری و گه‌شه‌سه‌ندنیان له‌ئه‌ستۆدایه‌.