ته‌رخانكردنی كات بۆ منداڵان

ئا/ عه‌لی ئه‌كبه‌ر مه‌جیدی 13-12-2010
ئه‌و كات و ماوه‌یه‌ی دایكان و باوكان بۆ منداڵه‌كانیانی داده‌نێن، بنه‌مای به‌دیهێنانی داواكارییه‌كانیانه‌، كاتێك له‌ئه‌نجامدانی كارێكدا منداڵه‌كانمان به‌شداری پێده‌كه‌ین له‌رِاستیدا په‌یامێكی ناراسته‌وخۆیان پێده‌ده‌ین كه‌: "رێزێكی تایبه‌تیمان بۆیان هه‌یه‌ و حه‌ز ده‌كه‌ین كاته‌كانمان له‌گه‌ڵیاندا تێپه‌رِ بكه‌ین، ته‌نانه‌ت له‌هه‌ل ومه‌رجێكدا بین، كه‌كارو سه‌رقاڵییه‌كی زۆرمان هه‌یه‌، كه‌هه‌ندێجار له‌وانه‌یه‌ گرنگی و بایه‌خێكی زۆری هه‌بێت."
ئه‌زموونه‌كان پیشانیانداوه‌ ئه‌و منداڵانه‌ی له‌سه‌رده‌می منداڵیدا كاره‌كانیان له‌گه‌ڵ باوك و دایكیاندا راده‌په‌رِێنن، ئه‌گه‌ری ئه‌وه‌یان تیایه‌ له‌داهاتوودا هه‌ندێك كار بكه‌ن، كه‌ببێته‌ هۆی نیگه‌رانی و دڵه‌رِاوكێی دایك و باوكیان.
هاوكاری و په‌یوه‌ندی چرِی نێوان ئێمه‌و منداڵه‌كانمان ده‌بێته‌ هۆی راكێشانی زیاتری ئه‌وان بۆ لای بایه‌خه‌ قبوڵكراوه‌كانمان، هه‌روه‌ها ئه‌گه‌ر منداڵان وا هه‌ست بكه‌ن باوك و دایكان گرنگییان پێده‌ده‌ن، زیاتر به‌ره‌و لای ئه‌و شتانه‌ی گرنگی و بایه‌خی پێده‌ده‌ن راده‌كێشرێن، هه‌روه‌ها هه‌ستكردن به‌رِێز له‌لایه‌ن باوك و دایكانه‌وه‌ ده‌بێته‌ هۆی زیادبوونی برِوا به‌خۆبوون له‌منداڵانداو ده‌بێته‌ هۆی ئه‌وه‌ی كه‌متر به‌دوای هاو ته‌مه‌نه‌ شه‌ره‌نگێزه‌كانی خۆیاندا برِۆن و كاری مه‌ترسیدارو پرِ كێشه‌ دروستبكه‌ن.