|
چۆن بتوانین
لهتاقیكردنهوهكاندا دڵهرِاوكێ وهلا بنێین؟
ئا/ عهلی ئهكبهر مهجیدی
21-9-2010
پێویسته لهكاتی نزیكبوونهوهی تاقیكردنهكاندا، خوێندكار وا
بیربكاتهوه رۆژی تاقیكردنهوه رۆژێكی نۆرماڵه نهك وهك شاخێك لێی
برِوانێت، رۆژی تاقیكردنهوه ئهو جل وبهرگه لهبهربكات كهحهزی
لێیهتی، چ لهبواری رهنگ و چ لهبواری مۆدیل، ناكرێت بهتوورِهیی
بهرهو هۆڵی تاقیكردنهوه ههنگاو بنێت، پێویسته زهردهخهنه لهسهر
لێوی خوێندكار ههبێت، تهنانهت كاتێك سوور دهزانێت مامۆستایهك لهو
رۆژهدا چاودێرێتی كهحهزیان لهرِوخساری یهك نییه، پێڵوی سهرهوهی
چاو پێویسته ماسولكهكانی ریلهكس (خاو) بێت، دوو قهڵهمی باشی پێبێت
كهبیری لهلای نهبوون، یان تهواوبوونی حبری قهڵهمهكهی نهبێت، (20)
خولهك پێش تاقیكردنهوه لهبهردهم، یان نزیك هۆڵی تاقیكردنهوه
ئامادهبێت.
لهو بیست خولهكهدا گوشار مهخهنه سهر خۆتان بهو پرسیارانهی
كهكهسهكانی دهوروبهرتان ئاراستهت دهكهن، بهڵێن بهكهس مهدهن
لههۆڵی تاقیكردنهوهدا یارمهتی بدهن، چونكه یهكهم تهركیزی خۆت
لهسهر پرسیار و وهڵامدانهوهكهت نامێنێت، پاشان بیرت لهلای ئهو
بهڵێنهیه كه بهخوێندكارێكی ترت داوه كهیارمهتی دهدهیت بۆ ئهوهی
لاپهرِهكهی تۆ ببینێت، یان لاپهرِه بگۆرِنهوه، چونكه ئهمه
ناسهربهخۆیی خوێندكاره لهتاقیكردنهوهدا، چهند دهتوانی وهڵامی
پرسیارهكانت بدهیتهوه ههوڵی بۆ بده، (1) رۆژ پێش تاقیكردنهوه
ههوڵبدهن تهنها ئهو پرسیارانه بخوێننهوه كهجهختیان لهسهر
كراوه، یان پێتان وایه گرنگه، بهوزه و ورهیهكی باش بهرهو پیری
تاقیكردنهوه برِۆن، پێویسته وهك ئهزموون لهبیرتان بێت كهنابێت
ههموو كتێبهكه بۆ شهوی تاقیكردنهوه دابنێن، بهڵكو ئهو وانانه كه
لهپۆلهكهدا دهوترێتهوه، لهو كاتهدا بهباشی بهمێشكیان راسپێرن و
ناو بهناو دووپاتی بكهنهوه تا لهزهینماندا بمێنێتهوه، كاتێك
لهسهر كورسی تاقیكردنهوه دادهنیشن، بههێمنی ههناسهیهكی قووڵ
لهلووتانهوه ههڵبمژن و بهئارامی لهدهمهوه دهریبكهن، ئهم كاره
دهبێته هۆی ئهوهی كهلێدانی دلڕ هێواش ببێتهوه.
|
