وروژاندنی سكسی ژنان و كه‌مكردنی ئازار

ئا/ نیگار  20-6-2010

بزواندنی سكسی ژنان پێش جووتبوون ده‌بێته‌ هۆی كه‌مكردنی ئازار له‌كاتی سكسدا، هه‌ندێك له‌ژنان له‌كاتی سكسدا هه‌ست به‌ئازار ده‌كه‌ن، ئه‌گه‌ر پێش جووتبوون به‌ڕاده‌ی پێویست بزواندنی سكسی بۆ ژنه‌كه‌ نه‌كرێت، ئه‌وا ده‌بێته‌هۆی ئازار له‌كاتی سكسدا، كاتێك جه‌سته‌ی ژن به‌ڕاده‌ی پێویست ببزوێنرێت و له‌بواری سكسیه‌وه‌ ئاماده‌ بكرێت، ناوه‌وه‌ی جیهازی ژن ئاماده‌یه‌ بۆ كردنه‌وه‌، هه‌روه‌ها به‌ئاسانی وه‌رگرتنی جیهازی پیاو، له‌م كاته‌دا ناوه‌وه‌ی جیهازی ژن شێی پێویست ده‌تكێنێت و لێواری زێ ته‌ڕده‌كات، ئه‌وه‌ش ده‌بێته‌ هۆی خلیسكبوونی لێواری زێ و ناوه‌وه‌ی زێ، له‌هه‌مان كاتدا ئه‌گه‌ر ڤایرۆسێك له‌ناو زێدا هه‌بێت له‌ ناوی ده‌بات، له‌مه‌ش ئه‌نجام وه‌رده‌گرین كه‌زێ به‌بێ هۆ كارناكات.
كێشه‌یه‌كی تر كه‌ له‌كاتی جووتبووندا رووده‌دات ئه‌وه‌یه‌، كه‌ژنان سه‌ره‌ڕای ئه‌وه‌ هه‌ست به‌ئازار ده‌كه‌ن، له‌بزواندنی سكسی دواده‌كه‌ون و ئیتر په‌یوه‌ندییه‌كه‌ باش نابێت، چونكه‌ به‌هۆی بوونی ئازار ئیتر چێژ وه‌رناگرن، كاتێك بزواندن نه‌كرێت، زێی ژن به‌وشكی ده‌مێنێته‌وه‌، ئه‌مه‌ش هۆكارێكه‌ بۆ ده‌سپێكردنی ئازار، به‌و هۆیه‌شه‌وه‌ ژنان له‌كاتێكی وادا له‌سكسكردن ده‌ترسن، چونكه‌ به‌ئه‌زموون ده‌زانێت كه‌ده‌بێت ئازارێكی زیاتر ته‌حه‌مول بكات.
له‌به‌رئه‌وه‌ی ئه‌و ئازاره‌ لاببرێت و زێی ته‌ڕببێت، پێویسته‌ بزواندنی زێ پێش جووتبوون بكرێت، به‌ئارامی ده‌ست به‌جووتبوون بكه‌ن، ئه‌گه‌ر له‌كاتی سكسدا تووشی ئازارده‌بن، به‌مێرده‌كانتان بڵێن كه‌پێویسته‌ بزواندنی سكسیتان بۆ بكه‌ن پێش ده‌سپێكی جووتبوون، له‌كاتی سكسدا چێژ له‌جووتبوون وه‌ربگرن، پێش جووتبوون بارودۆخێكی خۆشه‌ویستانه‌ بۆ خۆتان بخوڵقینن، زه‌ینتان پڕ بكه‌ن له‌مه‌سه‌له‌ی سۆز و عه‌شق، به‌ركه‌وتنی ده‌ست و لێو باشترین شته‌ بۆ پێش جووتبوون، به‌ته‌ركیزه‌وه‌ چێژ له‌به‌ركه‌وتنه‌كان وه‌ربگرن و به‌ته‌واوی هه‌ستی پێبكه‌ن، باشتر وایه‌ هه‌میشه‌ موادی چه‌وركردن و شێداركردنی كۆئه‌ندامی سكسی له‌ته‌نیشت قه‌ره‌وێڵه‌ی خه‌وتنه‌كه‌تانه‌وه‌ دابنێن، تا له‌كاتی مه‌ساج كردندا كه‌ڵكی لێوه‌ربگرن.
پاش (15) بۆ (30) خوله‌ك پاش وروژانه‌وه‌ كه‌ده‌بێته‌ هۆی زیادكردنی لێدانی دلڕ و سوڕی زیاتری خوێن، له‌و كاته‌دا جه‌سته‌ زۆر به‌باشی وه‌ڵامی بزواندنه‌ سكسیه‌كان ده‌داته‌وه‌، وردببنه‌وه‌ له‌به‌ركه‌وتنی ئه‌ندامه‌كانی جه‌سته‌ی یه‌كتر و ماچ كردنه‌كانتان، له‌ئامێزگرتنی یه‌كتر، به‌ئارامی و به‌شێوه‌یه‌كی جوان ئه‌و كارانه‌ ئه‌نجامبده‌ن كه‌ببێته‌ هۆی بزواندنی یه‌كتر پێش جووتبوون، سه‌باره‌ت به‌وه‌ی به‌چ شتێك و زیاتر به‌چ شێوه‌یه‌ك ده‌بزوێنرێن و به‌رامبه‌ر به‌چ شتێك هه‌ستێكی باش و چێژبه‌خشتان هه‌یه‌ قسه‌ی له‌گه‌لڕ بكه‌ن، له‌باره‌ی ئه‌وه‌ش قسه‌ی له‌گه‌لڕ بكه‌ن كه‌ده‌تانه‌وێت چۆن ببزوێنرین و به‌ركه‌وتنه‌كانتان چۆن بێت، چونكه‌ ماچ نه‌كردن و یه‌كتر له‌ئامێز نه‌گرتن و یاری و ده‌ست بازی نه‌كردن، نه‌لسینه‌وه‌ و ده‌ست پیانه‌هێنان و ئاماده‌نه‌كردنی جه‌سته‌ ده‌بێته‌ هۆی ئه‌وه‌ جه‌سته‌ ئاماده‌نه‌بێت بۆ سكس، ئه‌وه‌ش ئازاری زێی لێده‌كه‌وێته‌وه‌، بۆیه‌ زێ به‌وشكی ده‌مێنێته‌وه‌ و ئاماده‌نییه‌ به‌ره‌وپیری كۆئه‌ندامی سكسی پیاوه‌كه‌ی بڕوات، له‌وڕوه‌وه‌ له‌كاتی سكسدا هه‌ست به‌ئازار ده‌كات.