|
چالاكوانێك: یاسای ئەنجومەنی
پارێزگاكان لەخزمەتی ژندا نییە
25-12-2011
ژنە ئەندامێكی ئەنجومەنی پارێزگای بەغدا رایگەیاند، نەبوونی یاسای پێویست
لەئەنجومەنی پارێزگاكاندا رێگرە لە سەرخستن و پێشكەوتنی ژنان و چاككردنی
واقیعی ژیانییان.
چالاكوانی ژنان و ئەندامی ئەنجومەنی پارێزگای بەغدا (مەهدیە عەبدولموحسین)
رایگەیاند، نەبوونی یاسای پێویست و دەسەڵاتی یاسادانانی گونجاو لە
ئەنجومەنی پارێزگاكان وایكردووە هەموو هەوڵەكانی تایبەت بە پێشخستنی ژنان
هەوڵی خودی بن و ئەمەش گەورەترین رێگرە لە بەردەم پێشكەوتنی ژنان.
گوتیشی "پێویستە یاسای ژمارەی (21)ی ئەنجومەنی پارێزگاكان هەموار بكرێت، بۆ
ئەوەی رێگەی زیاتر بە ژنان بدرێت و لەرێگەیەوە كار بۆ سەرخستنی ژن و
باشتركردنی واقیعییان بكرێت".
هەروەها گوتیشی "ئەوەی ئێستا لە پێناو ژناندا ئەنجام دەدرێت، هەوڵێكی
رێكخراو نییە، بەڵكو هەوڵێكی خودییەو ئەمەش لە ئاستی ئەو مەینەتی و
قەیرانانەدا نییە كە رووبەڕووی ژنانی عێراق بووەتەوە".
سەرچاوە: ئاژانسی هەواڵی ئەخبارییە |
