سه‌رۆكی ئه‌رژه‌نتین توشی شێرپه‌نجه‌ بووه‌و هه‌فته‌ی داهاتوو نه‌شته‌رگه‌ریی بۆ ده‌كرێت

و/ نه‌وشیروان ئه‌حمه‌د  28-12-2011
هه‌فته‌ی داهاتوو سه‌رۆكی ئه‌رژه‌نتین نه‌شته‌رگه‌ری رژێنی ده‌ره‌قی بۆ ده‌كرێت ئه‌مه‌ش دوا ئه‌وه‌ دێت كه‌پزیشك ده‌تنیشانی بوونی شێرپه‌نجه‌ی رژێنی ده‌ره‌قی كرد له‌و خانمه‌دا.
وته‌بێژی نوسینگه‌ی سه‌رۆك رایگه‌یاند: دوای پشكنینی ئاسایی هه‌فتانه‌ بۆ كریستینا فیراندێس دی كیرشنه‌ر-ی سه‌رۆكی ئه‌و وڵاته‌، پزیشكه‌كه‌ی پێی راگه‌یاندووه‌ كه‌ توشی شێرپه‌نجه‌ی رژێنی ده‌ره‌قی بووه‌ به‌ڵام پشكنینه‌ پزیشكییه‌كان ده‌ریانخستووه‌ كه‌ شێرپه‌نجه‌كه‌ بڵاونه‌بووه‌ته‌وه‌ بۆ لیمفه‌گرێكانی .
بۆ رێگرتنی خێرا له‌بڵابوونه‌وه‌ی نه‌خۆشییه‌كه‌ پزیشكه‌كه‌ی رایگه‌یاند كه‌ده‌بێت له‌هه‌فته‌ی داهاتوودا نه‌شته‌رگه‌ری بكرێت.
شێرپه‌نجه‌ی رژێنه‌كان شێرپه‌نجه‌یه‌كی باوه‌ له‌وڵاتانی ئه‌مه‌ریكای باشوورو و له‌م دواییانه‌دا ئه‌م جۆره‌یان له‌ناو سه‌ركرده‌كانی وڵاتانی ئه‌و قارِه‌یه‌دا ده‌ستنیشانكراوه‌.
كریستینا فیراندێس ته‌مه‌نی 58 ساڵه‌، له‌ساڵی 2007 دوای به‌ده‌ستهێنانی 54% ی ده‌نگه‌كان له‌هه‌ڵبژاردنه‌كانی ئه‌و وڵاته‌دا توانی سه‌ربكه‌وێت به‌سه‌ر هاوسه‌ره‌كه‌یدا كه‌ له‌ ساڵی 2003وه‌ تا 2007 سه‌رۆك بوو.
شایه‌نی باسه‌ دوای ئه‌وه‌ی كه‌ فیراندێس پۆستی سه‌رۆكایه‌تی گرته‌ده‌ست ئابوری ئه‌و وڵاته‌ ساڵانه‌ به‌ڕێژه‌ی 8% گه‌شه‌یكردوه‌.