كۆپا ئه‌مریكا.. ئه‌مشه‌و به‌رازیل و پاراگوای روبه‌ڕووی یه‌كده‌بنه‌وه‌

والی شێخ عه‌لی 9-7-2011
له‌میانه‌ی یارییه‌كانی پاڵه‌وانێتی كۆپا ئه‌مریكا كه‌ ئه‌مساڵ ئه‌رژه‌نتین میوانداری
ده‌كات، ئه‌مشه‌و 9/10-7 له‌گروپی B به‌رازیل و پاراگوای له‌لایه‌ك و فه‌نزوێللاو ئیكوادۆر له‌لایه‌كی تره‌وه‌ روبه‌ڕووی یه‌كده‌بنه‌وه‌.
سه‌عات 7 ی شه‌و به‌كاتی گرینج، له‌گروپی B به‌رازیلییه‌كان و هه‌ڵبژارده‌ی پاراگوای كه‌ تائێستا 14 جار نازناوی پاڵه‌وانێتییه‌كه‌ی به‌ده‌ستهێناوه‌، به‌یه‌ك ده‌گه‌ن.
سه‌عات 9:30 یش هه‌ردوو هه‌ڵبژارده‌ی فه‌نزوێللاو ئیكوادۆر كه‌تائێستا هه‌ر یه‌كێكیان له‌پاڵه‌وانێتییه‌كه‌دا ته‌نها خاڵێكیان به‌ده‌ستهێناوه‌ روبه‌ڕووی یه‌كده‌بنه‌وه‌.
تائێستا له‌م پاڵه‌وانێتییه‌ی ئه‌مساڵدا هه‌ڵبژارده‌كانی كۆڵۆمبیا، چیلی، پیرۆ خاوه‌نی زۆرترین خاڵن كه‌ هه‌ر یه‌كێكیان 4 خاڵی به‌ده‌ستهێناوه‌ به‌ڵام هه‌ڵبژارده‌ی ئه‌رژه‌نتینی خانه‌خوێ ته‌نها خاوه‌نی 2 خاڵه‌.
به‌درێژایی مێژووی پاڵه‌وانێتی كۆپا ئه‌مریكا كه‌ جامی ئه‌مریكاشی پێده‌ووترێت و هه‌موو دوو ساڵ جارێك رێكده‌خرێت و له‌ساڵی 1916 ه‌وه‌ به‌ڕه‌سمی دامه‌زراوه‌، سه‌رباری هه‌ڵبژارده‌ی پاراگوای، ئه‌رژه‌نتینیش 14 جار نازناوه‌كه‌ی به‌ده‌ستهێناوه‌ به‌ڵام هه‌ڵبژارده‌ی به‌رازیل ته‌نها 8 جار نازناوه‌كه‌ی به‌ده‌ستهێناوه‌.